مواقف في صلاه الفجر لالالالالا يفوتك

قرأت هذا الايميل في بريدي و حبيت تضحكوا شويه .. خصوصا الناس اللي تروح تصلي الفجر و هيه نايمه ..

(قصه وهو في سيارته)
يقول واحد
مره كنت انا قايم من النوم تعبان مره
توضيت ولبست ثوبي وشماغي وطلعت وشغلت السياره عاد تعرفون لازم نخليها تحما
قلت تبي طول على ما تحما السياره ...اخذ غفوه داخل السياره
خذت غفوه واقوم قلت خلاص الحين حمت اكييد ... والله واشوف النور طللع والنااااااس صلت وانا منخمد في سيارتي.. لا والشي الي يقهر ان الوالد مر علي وشافني في السياره ولا صحااااااني



(قصة شاب ومعاناته مع النوم)

مرة في الصلاة كنت نعسااان ،وفي التشهد الاخير طول الامام،وطول وطول وطوووووووووول تأكدت انه نايم بعد فتره حسيت الموضوع فيه (إن)!!
رفعت شماغي من جهة اليمين ماشفت احد رفعته من اليسار ماشفت الا كم واحد بعدها دريت اني انا الي كنت نايم ........


(قصة شاب مع ثوبه)
يقول....
مره وانا إمام مسجد كنت كالعاده اقوم لصلاة الفجر مسرع، لاني طايح بمؤذن ما يعرف الدقيقه،المهم اني في هالمره قمت توضيت ولبست ثوبي واخذت شماغي وجيتك مسرع للمسجد المهم ما ذكرت اسكر ازارير الثوب الا يوم دخلت المسجد ... جيت ابي اسكرها ماقدرت ..احاول والله ما فيه امل ..؟؟؟ والله وطالع ..الا لابس الثوب مقلوب ..؟؟؟
وتعال دورني ..ما تلقاني
قعدت اغطي صدري بشماغي بعد الصلاه بس الحمد ماحد انتبه لي....لان العالم كلها نايمه




(قصه يرويها احد الشباب الملتزمين)

هذي قصه لواحد من الشباب يرويها بنفسه يقول كنت في بدايه التزامي والحمدلله بدات احفظ القران الكريم ..وبدات احفظ من قصار السور مبتدءاً بسورة (ق)
المهم والحمدلله انا من المواظبين على صلاة الفجروفي روضة المسجد خلف الامام مباشره.. وفي تلك الايام قدّر الله ان الامام تأخر عن صلاة الفجر ...والتفت المؤذن لي وقال تقدم ..تقدمت وكلي ثقه لكن بيني وبينكم هذا في الظاهر اما داخليا كان في نفسي رهبة شديده ،،كبرت وبدات قرآة الفاتحه قلت في نفسي هذي فرصه لقرآة سوره( ق) تعوذت بالله وبسملت وقرات مبتدءا اليه( ق)..... ومدري وش جاني وضاع الحفظ..
وسكت ..قال المؤذن (( والقران المجيد)) قلت (( والقران الجيد )) وقفلت ،قال (( بل عجبوا )) قلت (( بل عجبوا )) ،قال (( ان جاءهم ))،قلت (( ان جاءهم )) واستمرينا على هالحال ايتين او ثلاث وهو يقرا وانا اردد وراه وضاعت طاستي ..وكبرت وركعت وانا خلاص منتهي وش هذا الموقف ..
وتداركت نفسي عند السجود والجلسه ..وإذا بسورة (ق) تنساب في مخي ...ايه ايه
رفعت للركعه الثانيه وقرات الفاتحه وقلت في نفسي لازم اوري الجماعه اني حافظ السوره واني موب اي كلام .. ويشاء الله ان ابدأ (ق) .. واول ما نطقتها وتجيني الحاله وضيع الحفظ ..
قال المؤذن وراي وهو معصب (( والقران المجيد )) قلت (( والقران المجيد )) وقفلت .. قال (( بل عجبوا )) ..... (( بل عجبوا )) ونفس حالة الركعه الاولى ... وانا انتفض من الفشيله ........المهم ركعت .......والمشكله المؤذن حمقي .. وبعد ما انتهيت من الصلاه وبدون مقدمات وقدام الناس ...قال ما تقولي هالحين نطلعك من (ق) وترجع لها ليش ؟؟........
وما رديت عليه بشي وجلست في المحراب لين طلعوا كل من في المسجد



(قصه حصلت امام احد الشباب )
يقول فيها
هذي حصلت قدامي
دخلت المسجد صلاة الفجر والامام يقرأ
وتعرفون العيال الصغار الواحد منهم مصحيه ابوه بالقوه..
وانا برى المسجد سمعت الامام تعتع في الايه .....وما كان وراه احد يقدر يرد علية ...جلس الامام يكرر الايه ...عساه يذكر الايه او على الاقل يذكره احد المأمومين
ولكن ما حولك احد ....استمر يكرر و ريكرر...... الا يذكرها ...وماله نيه يركع وهو ما كمل الايه ودخلت المسجد ....والامام على حاله يكرر الايه ويوم قربت من الصف كان في طرف الصف ولد نعسان ومستعجل يبي يخلص الصلاه يرقد قبل المدرسه
والامام للحين يكررويكرر الايه
التفت الولد وقال بعفووويه وبرائة الطفوله ''''ياخي اركع وخلصنا '''' بصوت مسموووع
فما كان من الامام الا ان ركع على طوووول
وانا ابي الحق على الركعه بس مو قادر من الضحك


(سالفه ضريفه جدااا)

مرة كنا في صلاة الفجر وتعرفون نص المصلين اغلبهم يسهر ويقوموا صلاة الفجر وباقي ما شبعوا نوم
المهم الامام كان يقرأ سوره من ضمن اياتها (((الضاااالين))المهم قراها الامام ومدها كانها الضالين اللي في سورة الفاتحه
وبعدها ما تشوفون إلا آآآآآآمين من النايمين ...على بالهم ان الامام يقرا سورة الفاتحه

هههههههههههههههههههه من جد مواقف رهيبه الله يعطيك العافيه اخوي ماقصرت وسعت صدري الله يوسع صدرك

اميــــــــــــــن

ومــــــــــــــــشكووور على المرور